कसे करू शकतो आपण हे अवयवांचे पुण्यदान ? डॉ. अपर्णा पाटील .

 

           मित्रांनो........

आपल्या मनात असे काहूर माजले असेल की मी कसे करू शकतो /शकते हे अवयवदान -

कसे करावे हे पुण्यदान?

अगदी सोपे आहे मित्रांनो ..

याबाबतीत ZTCC म्हणजे Zonal transplant Co-ordination Centre ही महत्वाची संस्था कार्यरत आहे .

१) www . ztccmumbai.org  या संकेतस्थळास भेट द्या .

२) आपल्याला एक pledge form म्हणजे शपथपत्र भरावे लागते . तो खालीलप्रमाणे

                                 शपथपत्र / pledge form.

३) तो form भरून आपण खालील स्थळी पाठवा .

पत्ता: सायन हॉस्पिटल,

        कॉलेज बिल्डिंग, २ रा मजला,

         मेडीकल स्टोअर्स जवळ ,

         सायन ( प ),

         मुंबई - ४०००२२

किंवा,

E-mail:  organtransplant@ztccmumbai.org

४)ZTCC ही संस्था आपल्याला donor card पाठवेल . किंवा आपण donor card संकेतस्थळावरून download करून घेऊ शकता.

परंतू हे लक्षात घ्या , मित्रांनो की हे donor card नेहमी आपल्या जवळ बाळगा व तुमच्या या अवयवदान करण्याच्या इच्छेबददल आपले नातेवाईक व मित्र मंडळी ना कल्पना देऊन ठेवा .

कारण आपले अवयव ही शासनाची मालमत्ता नाही. शासन किंवा डॉक्टर नातेवाईकांच्या संमतीशिवाय अवयवदानास मान्यता देऊ शकत नाहीत .

म्हणजे, उदया माझा मृत्यू cardiac death ने झाला तर नातेवाईक माझे त्वचा किंवा नेत्रदान करू शकतात परंतु Brain death ने झाला तर माझ्या vital organs चे दान होऊ शकते . परंतु याला माझ्या जवळच्या नातेवाईकांची संमती हवी .

एक संस्कृत सुभाषित आठवले मित्रांनो - - -

        "परोपकाराय फलन्ति वृक्षाः 

              परोपकाराय वहन्ति नद्यः ।

         परोपकाराय दुहन्ति गावः

              परोपकारार्थमिदं शरीरम् ॥"

( झाडे फळतात दुसऱ्यांसाठी, नदी वाहते दुसऱ्यांसाठी, गाय दुध देते दुसऱ्यांसाठी ; आपल्या शरीराचाही उपयोग झाला पाहिजे दुसऱ्यांसाठी ... . . . . परोपकारासाठी !!! )

बघा, आपल्या मृत्यूनंतरही आपल्या अवयवांद्वारे दुसऱ्या जीवांना जीवनदान देणे याहून  महान कार्य  ते कोणते ?

© Dr. Aparna Viraj Patil

MD(Obstetrics and Gynaecology)

Organ donation awareness

Mumbai.

( वरील माहिती संकलन आणि शब्दांकन डॉ. अपर्णा पाटील यांचे कॉपीराईट आहे.)